astana+ / ветеринария · экспорт · АӨК Локация:Қазақстан · Париж (ДБҰҰ) Ықпал ету ауқымы:Қазақстан → Орталық және Шығыс Азия → әлемдік нарықтар Плюс нысанасында: аймақтағы жалғыз мәртебе · 7 жаңа нарық · ЕО бал экспортына ашық
Қазақстан бүкіл ел аумағында аусыл (ящур) ауруының жоқтығын дәлелдейтін халықаралық сертификатқа ие болды. Мұндай жоғары мәртебе Орталық және Шығыс Азия өңіріндегі ешбір мемлекетте жоқ. Бұл тарихи шешім 22 мамырда Парижде өткен Дүниежүзілік жануарлар денсаулығы ұйымының (ДБҰҰ) жылдық сессиясында қабылданды. Жиынға қатысқан 183 мүше мемлекеттің барлығы Қазақстан үшін біркісідей дауыс берді.
Аусыл — малдың өте жұғымтал вирустық ауруы. Ол адамға қауіпті болмағанымен, бір ғана бұрқ ете түсуімен елдің бүкіл экспорттық нарығын құрдымға жібере алады. Міне, сондықтан ет және сүт өнімдерін импорттайтын ірі мемлекеттер нарықты ашпас бұрын жеткізушілерден халықаралық деңгейде танылған ветеринариялық мәртебені талап етеді. Бұл құжатты алу үшін отандық мамандар екі жыл бойы үздіксіз жұмыс жүргізді.
#АстанаПлюсФакт
Дауыс беру қорытындысы және ашылған жаңа мүмкіндіктер:
Бірауыздан қолдау: ДБҰҰ-ға мүше 183 елдің 183-і де Қазақстанды қолдап дауыс берді.
Қауіпсіз аймақ: Қазақстанның бүкіл аумағы ресми түрде аусылдан таза, қауіпсіз аймақ деп танылды.
7 жаңа нарық: * Қытай (союға арналған ірі қара мал, тері, құс еті),
Әзербайжан (түйе, ет, сүт өнімдері, бал, балық),
Монғолия (тірі ұсақ мүйізді мал),
Ирак, Грузия, Иран (тери және жүн),
Еуропалық Одақ (бал).
#АстанаПлюсКонтекст
Дүниежүзілік жануарлар денсаулығы ұйымының деректері бойынша, аусыл ауруы әлі күнге дейін Азия мен Таяу Шығыстағы ірі қара малдың 77%-ына қауіп төндіріп отыр (paho.org, 2025). Қазақстанның аймақтағы ірі көршісі Моңғолия мұндай мәртебеге тек 2030 жылға қарай қол жеткізуді жоспарлап отыр, ал ДБҰҰ сарапшылары бұл жоспарды тым «өршіл» деп атаған (woah.org, Ad hoc Group Report, қараша 2024).
Astana+ түйіні: Мәртебе алынды, ендігі міндет — тасымал тізбегін сауатты құру. Бір мезетте жеті бірдей жаңа нарық есігін ашты. Ендігі мәселе — қазақстандық малды шетелге өткізуде емес, отандық өндіріс саласының осы үлкен сұраныс пен көлемді игеруге қаншалықты дайын екендігінде.
Жол ашылды. Шаруашылық енді — жаһандық нарық пен халықаралық стандарттар құзырында.
Дереккөз: ҚР Ауыл шаруашылығы министрлігінің баспасөз қызметі