astana+ / спорт · білім Локация:Қазақстан аймақтары · «Білім-Инновация» лицейлері Маңыздылық аясы: Республикалық деңгей 14 қала) Плюс нысанасында: бұқаралық спорт · бадминтон · «Білім-Инновация» (BIL) · 8 мың оқушы
Қазақстан бадминтон федерациясы «Білім-Инновация» (BIL) лицейлер желісімен және жекеменшік мектептермен ынтымақтастық орнатты. Бұдан былай бадминтон осы білім ордаларының дене шынықтыру бағдарламасына ресми түрде енгізіледі.
Бастапқы кезеңде жоба 8 мыңға жуық оқушыны қамтиды. Федерация мектептерді спорттық құрал-жабдықтармен (ракетка, волан, тор) толық қамтамасыз етіп, мұғалімдерге әдістемелік қолдау көрсетеді.
#АстанаПлюсФакт
Жоба алғашқы кезеңде келесі қалалардағы «Білім-Инновация» қыздар лицейлерінде іске қосылды:
Ақтөбе, Атырау, Түркістан, Қызылорда, Тараз және Шымкент.
Неліктен бадминтон? Бұл спорт түрі оқушылардың жылдамдығын, реакциясын, көру қабілеті мен стратегиялық ойлауын дамытады. Сонымен қатар жарақат алу қаупі өте төмен әрі қолжетімді.
#АстанаПлюсКонтекст
Мектеп спорты әдетте футбол немесе волейболмен шектеледі. Бадминтонның енуі — бағдарламаны әртараптандырудың жақсы үлгісі. Жобаның алғашқы қатысушылары өңірлердегі қыздар лицейлері екенін ескерсек, бұл қыз балалар арасындағы бұқаралық спортқа жаңа серпін бермек.
Astana+ түйіні: Оқу жүктемесі жоғары лицейлер үшін бадминтон — интеллектуалдық еңбек пен физикалық белсенділікті тең ұстаудың заманауи шешімі. Мыңдаған өрен үшін олимпиадалық спортқа бастар жол мектеп спорт залынан басталмақ.
Ракеткалар дайын. Сабақ кестесі енді — жаңа спорттық трендтің ырғағында.
Дереккөз: Қазақстан бадминтон федерациясының баспасөз қызметі