16 ақпанда қазақстандық шорт-трекшілер 500 метр қашықтықта мұз айдынына шығып, соңғы сантиметрлерге дейін созылған тартысты жарыс көрсетті.

Абзал Ажғалиев жарысты жүйкеге салмақ түсіретін қарқынмен өткізді: қашықтықтың басым бөлігінде кейін келе жатты. Бірақ соңғы айналымда жылдамдығын күрт арттырып, қарсыласымен қатар финиш сызығын кесті. Алтын жүлденің тағдырын фотофиниш шешті.

Камера қазақстандық спортшының мәреге бірінші болып жеткенін көрсетті. Итальяндық Pietro Sighel екінші орын алды.

Басқа жарыста Денис Никиша сынға түсіп, өз тобында үшінші болып келді.

Екі қазақстандық спортшы да ширек финалға жолдама алып, жарысты жалғастырып жатыр.

Қазақстандық мәнерлеп сырғанаушы Софья Самоделкина Италияда өтіп жатқан қысқы Олимпиада ойындарында сәтті дебют жасап, қысқа бағдарламада жеке рекордын жаңартты.

Спортшы қос аксель, үштік лутц және үштік флип пен тулуптан тұратын каскадты сенімді орындады. Төрешілер оның өнерін 68,47 ұпайға бағалады. Бұл – Самоделкинаның ресми халықаралық жарыстардағы ең үздік көрсеткіші. 18 ақпанда ол 19 жасқа толады.

Өз бағдарламасын орындағаннан кейін қазақстандық спортшы турнир кестесінің жоғарғы бөлігінде орнықты. Қысқа бағдарламаның қорытындысы бойынша ол 12-орынға тұрақтап, еркін бағдарламаға жолдама алды.

Еркін бағдарламада Самоделкина соңғы алдындағы (предпоследняя) жылынуды бастайды - бұл топта жарыстың үздік қатысушылары өнер көрсетеді.

Италиядағы Олимпиада ойындары спортшы үшін алғашқы Олимпиадасы болды, және дебют сәтті өтті.