Новости | Столица | KZ https://astanaplus.kz ru Thu, 30 Apr 2026 13:13:45 +0300 Бағалар өсіп жатыр. Себебі – отандық тауар тапшылығы https://astanaplus.kz/tpost/pbpa3l6g61-baalar-sp-zhatir-sebeb-otandi-tauar-taps https://astanaplus.kz/tpost/pbpa3l6g61-baalar-sp-zhatir-sebeb-otandi-tauar-taps?amp=true Tue, 17 Feb 2026 13:10:00 +0300 билік Неліктен азық-түлік пен техника қымбаттап жатыр? Үкімет инфляцияның басты себептерінің бірі ретінде отандық өндірістегі негізгі тауарлар тапшылығын атады. Қазақстан бірқатар негізгі позициялар бойынша әлі де импортқа тәуелді.

Бағалар өсіп жатыр. Себебі – отандық тауар тапшылығы

Неліктен азық-түлік пен техника қымбаттап жатыр? Үкімет инфляцияның басты себептерінің бірі ретінде отандық өндірістегі негізгі тауарлар тапшылығын атады. Қазақстан бірқатар негізгі позициялар бойынша әлі де импортқа тәуелді.
"Отандық өнімнің жетіспеуі инфляциялық қысымды күшейтеді", – деді Премьер-министрдің орынбасары – ұлттық экономика министрі Серік Жұманғарин.
Оның айтуынша, отандық өндірістегі базалық тауарлардың тапшылығы азық-түлік сегментінде де, азық-түлікке жатпайтын сегментте де байқалады.

Жағдайды түзеу үшін Үкімет экономиканың нақты секторын қолдауды күшейтеді. Қолдау шараларының жиынтық көлемі шамамен 8 трлн. теңгеге дейін жеткізіледі.

Негізгі құрал – «Инвестицияға тапсырыс» тетігі. Салалық министрліктер импортты алмастыруға болатын бағыттарды айқындайды, ал “Бәйтерек” холдингі нақты инвестициялық жобалардың пулын қалыптастырады.
Басым бағыттар
Азық-түлік секторы – 12 бағыт:
ет пен сүтті қайта өңдеу, қант, жеміс-көкөніс өнімі және нарық үшін тапшылығы аса сезілетін басқа да позициялар.

Азық-түлікке жатпайтын сектор – 24 бағыт:
тұрмыстық техника, құрылыс материалдары, тұрмыстық химия, жеңіл өнеркәсіп.
2026 жылы “Бәйтерек” холдингі 1 трлн. теңгеге дейін қосымша қаржыландырылады.

2030 жылға дейін холдингтің еншілес ұйымдары арқылы шамамен 100–120 млрд. АҚШ доллары көлемінде өнеркәсіптік жобаларды қаржыландыру жоспарланып отыр.
«Бүгінде инфляциялық қысымның негізгі себептерінің бірі – бірқатар базалық тауарлардың тапшылығы. Біздің мақсат – ішкі нарықты отандық өндіріс тауарларымен қамтамасыз ету және импортқа тәуелділікті төмендету», – деді Серік Жұманғарин.
Редакция мәнмәтіні:

Үкімет іс жүзінде мәселе тек валюта бағамы мен логистикада ғана емес, сонымен қатар өз өндірісіміздің жеткіліксіздігінде екенін мойындап отыр.

Енді басты сұрақ – инвестициялар нақты зауыттарға, жылыжайларға және дүкен сөрелеріндегі өнімге қаншалықты жылдам келеді. Өйткені инфляция өнеркәсіптік жобалар іске қосылғаннан әлдеқайда тез әсер етеді.
]]> Астанада жаңа балалар травматологиялық пункті ашылды. https://astanaplus.kz/tpost/chp1s9o8u1-astanada-zhaa-balalar-travmatologiyali-p https://astanaplus.kz/tpost/chp1s9o8u1-astanada-zhaa-balalar-travmatologiyali-p?amp=true Tue, 17 Feb 2026 13:45:00 +0300 қолжетімді орта Ұлттық шұғыл медицинаны үйлестіру орталығының аясында жаңа балалар травматологиялық пункті ашылды. Дәрігерлер алғашқы пациенттерді қабылдады

Астанада жаңа балалар травматологиялық пункті ашылды.

Ұлттық шұғыл медицинаны үйлестіру орталығының аясында жаңа балалар травматологиялық пункті ашылды. Ашылған күні-ақ дәрігерлер алғашқы пациентті қабылдады.
Пунктті іске қосудың басты себебі – алаңдататын статистика. 2025 жылы Астанада балалар жарақаттарына байланысты 112 775 өтініш тіркелген. Бұл алдыңғы жылмен салыстырғанда 15,8%-ға жоғары. Қазіргі таңда дәрігерлер күн сайын 350-ден астам кішкентай пациентті қабылдайды.
Мамандар өсімді халық санының артуымен және балалардың жоғары белсенділігімен байланыстырады. Елорданың травматологиялық пункттері тым ауқымды жұмыс істеп жатқандықтан, шұғыл медициналық көмектің инфрақұрылымын кеңейту туралы шешім қабылданды.

Жаңа балалар травматологиялық пункті заманауи медициналық жабдықтармен қамтамасыз етілген және кадрлық тұрғыда толық жасақталған. Денсаулық сақтау министрлігінің мәліметінше, оның ашылуы күту уақытын қысқартуға және медициналық көмектің қолжетімділігін арттыруға, соның ішінде қаланың сол жағалауындағы тұрғындар үшін де мүмкіндік береді.

Ведомствода балалар медицинасы жүйесін дамыту басым бағыттардың бірі екенін атап өтті. Қосымша шаралар кішкентай пациенттерге жедел, сапалы әрі тиімді шұғыл көмек көрсетуді қамтамасыз етеді.
]]> Астанада жылу қуаты 30%-ға артты https://astanaplus.kz/tpost/vzi48t5zx1-astanada-zhilu-uati-30-a-artti https://astanaplus.kz/tpost/vzi48t5zx1-astanada-zhilu-uati-30-a-artti?amp=true Tue, 17 Feb 2026 15:56:00 +0300 қала тынысы Үкімет басшысы Олжас Бектенов қаланың бірқатар энергетикалық нысандарын аралады.Қалада жылу қуаты 30 пайызға ұлғайған.

Астанада жылу қуаты 30%-ға артты

Елорда әкімі Жеңіс Қасымбек әлеуметтік желідегі парақшасында Үкімет басшысы Олжас Бектенов астананың энергетикалық нысандарын аралағанын хабарлады. Қалада жылу қуаты 30 пайызға ұлғайған.
Әкімнің айтуынша, ЖЭО-3-тің бірінші кезегі және «Тұран» мен «Оңтүстік-Шығыс» газ жылу станциялары іске қосылғаннан кейін елордаға қосымша сағатына 1100 гигакалория жылу беріліп отыр.

Қаланың қарқынды дамуын ескере отырып, «Тельмана» газ жылу станциясы салынып жатыр. Нысанды 2027 жылы пайдалануға беру жоспарланған.
ЖЭО-3: резерв және жаңа қуат

Биыл ЖЭО-3-те көмірді резервтік отын ретінде пайдалану мүмкіндігі іске қосылады.

Жобаның екінші кезеңінде қуаты 500 мегаватт болатын бу-газ қондырғысын салу көзделген. Бұл елорданың электрмен қамтылуын күшейтеді.
Өнеркәсіп пен цифрлық инфрақұрылым

Үкімет басшысы Индустриялық парк №1 аумағындағы кәсіпорындарды аралады.

2025 жылдың қорытындысы бойынша елордада өнеркәсіп өндірісінің көлемі 3,4 трлн теңгеден асты.

Сондай-ақ Astana Smart City жобасы аясында құрылған деректерді өңдеу орталығы таныстырылды. Ол халықаралық Presight компаниясымен серіктестікте іске асырылған.
]]> Тоқаев Жапония Премьер-министрін қайта сайлануымен құттықтады https://astanaplus.kz/tpost/6d3foj17d1-toaev-zhaponiya-premer-ministrn-aita-sai https://astanaplus.kz/tpost/6d3foj17d1-toaev-zhaponiya-premer-ministrn-aita-sai?amp=true Wed, 18 Feb 2026 11:08:00 +0300 Фото: Aqorda билік Президент Қасым-Жомарт Тоқаев Санаэ Такаичи Жапония Премьер-министрі қызметіне қайта сайлануымен құттықтады.

Тоқаев Жапония Премьер-министрін қайта сайлануымен құттықтады

Мемлекет басшысы Жапония Премьер-министрінің атына құттықтау жеделхатын жолдады.

Президент Қасым-Жомарт Тоқаев Санаэ Такаичи Жапония Премьер-министрі қызметіне қайта сайлануымен құттықтады.

Қасым-Жомарт Тоқаев Жапонияның Қазақстан үшін Азиядағы негізгі серіктестердің бірі екенін атап өтті. Ол достық пен өзара түсіністікке негізделген кеңейтілген стратегиялық әріптестік алдағы уақытта да екі ел игілігі үшін нығая беретініне сенім білдірді.

Президент Санаэ Такаичиге жауапты қызметінде табыс, ал жапон халқына амандық пен өркендеу тіледі.
]]> Мемлекет басшысы Қасым-Жомарт Тоқаев жұмыс сапарымен Вашингтонға келді https://astanaplus.kz/tpost/r85xd11lk1-memleket-basshisi-asim-zhomart-toaev-zhm https://astanaplus.kz/tpost/r85xd11lk1-memleket-basshisi-asim-zhomart-toaev-zhm?amp=true Thu, 19 Feb 2026 08:42:00 +0300 Фото: Aqorda билік Сапар АҚШ президенті Дональд Трамптың шақыруымен өтуде. Бағдарламаның негізгі бөлігі — Бейбітшілік кеңесінің инаугурациялық отырысына қатысу.

Мемлекет басшысы Қасым-Жомарт Тоқаев жұмыс сапарымен Вашингтонға келді

Сапар АҚШ президенті Дональд Трамптың шақыруымен өтуде. Бағдарламаның негізгі бөлігі - Бейбітшілік кеңесінің инаугурациялық отырысына қатысу.

Аталған Кеңес халықаралық қауіпсіздік мәселелерін және қақтығыстарды реттеу жолдарын талқылауға арналған жаңа алаң ретінде құрылып отыр.

Маңызды жайт: Қазақстан бұл бастаманың жай қатысушысы емес. Ел Бейбітшілік кеңесінің құрылтайшы мемлекеттерінің қатарына шақырылды. Бұған дейін Мемлекет басшысы бастама жарғысына қол қойып, Қазақстанның жаңа құрылымның қалыптасуына тікелей қатысатынын растаған.

Алғашқы отырыста Газа секторындағы ахуал басты тақырыптардың бірі болмақ. Тараптар өңірдегі жағдайды тұрақтандыру, гуманитарлық қолдау тетіктерін іске қосу және бейбітшілікті қамтамасыз етуге бағытталған нақты қадамдарды қарастырады деп күтілуде.

Сапар тек халықаралық форматпен шектелмейді.

Президенттің жұмыс кестесінде шетелдік көшбасшылармен, АҚШ әкімшілігінің өкілдерімен, сондай-ақ ірі америкалық компаниялардың басшыларымен кездесулер бар. Экономикалық күн тәртібінде инвестициялар тарту және ынтымақтастықты кеңейту мәселелері қаралады.

Осылайша, сапар екі бағытты қатар қамтиды: жаңа халықаралық құрылымды қалыптастыруға қатысу және экономикалық серіктестікті дамыту.

Жұмыс кездесулері жалғасуда. Қорытындылар сапар аяқталғаннан кейін жарияланады.
]]> Вашингтондағы кеш. Токаевтың қазақстандықтармен кездесуінен фотосуреттер https://astanaplus.kz/tpost/su0bz4ba71-vashingtondai-kesh-tokaevti-azastanditar https://astanaplus.kz/tpost/su0bz4ba71-vashingtondai-kesh-tokaevti-azastanditar?amp=true Thu, 19 Feb 2026 12:03:00 +0300 Фото: Aqorda билік Акорда сайтына Қазақстан Президентінің Вашингтондағы отандастармен кездесуінен түскен бірнеше фото жарияланды. Кадрларға назар аударсаңыз, көріністер жай ғана баспасөз хабарламасының иллюстрациясы емес, өз алдына жеке әңгіме секілді.

Вашингтондағы кеш. Токаевтың қазақстандықтармен кездесуінен фотосуреттер

Акорда сайтына Қазақстан Президентінің Вашингтондағы отандастармен кездесуінен түскен бірнеше фото жарияланды. Жалпы - бұл ресми жұмыс сапары. Бірақ кадрларға назар аударсаңыз, көріністер жай ғана баспасөз хабарламасының иллюстрациясы емес, өз алдына жеке әңгіме секілді. Astana plus редакциясы ресми мәтінді көшіріп шығарғанша, осы фотосуреттерді талтауға кірісті.
Кездесу ұшып келген беті болғанын көруге болады. Алда - Бейбітшілік Кеңесі, халықаралық күн тәртібі, келіссөздер. Бірақ сапардың алғашқы жарияланған кадрлары залдан емес, көшеден түсірілген. Көне ғимараттың бағаналары, прожектордың жұмсақ жарығы, пальто мен жылы күртешеде тұрған адамдар. Бұл ресми қабылдау емес, бұл жай ғана кездесу.
Касым-Жомарт Тоқаев қара костюм, ақ көйлек және ашық көк галстук киген. Көк түс кадрларда жиі кездеседі - Қазақстанның туын ұстаған қатысушылар, сондай-ақ Президенттің жағасындағы кішкентай белгі. Бұл сән элементі емес - бірлік белгісі.
Кадрларда көпшілігі жастар - студенттер, мамандар, балаларымен келген отбасылар. Біреуі рюкзак арқалап жүр, біреуі көзілдірікте, сырт киімде. Қатаң киім нормасы жоқ. Барлығы күнделікті серуеннен келгендей.
Ең әсерлі сәттердің бірі - Президент оюлы төбетей киген балаға қарағаны. Бұл бас киім Вашингтонда көзге ерекше көрінеді. Оны алып келу, сақтау, кию жай әшекей емес, ол өз ата тегімен байланысы.
Президент жоғарыдан қарап тұрмады, баланың жанына жақындайды. Фото адамгершілікті көрсетеді. Көп жылдар өте осы отбасы үшін бұл кездесу ерекше естелік болады, бәлкім.
Соңында - жалпы фото. Президент ортасында, балалар алдыңғы қатарда, ересектер сәл артта. Бұл композиция болашақты бірінші орынға қояды.
Сапардың жұмыс бағдарламасы өте тығыз: Бейбітшілік Кеңесіне қатысу, бизнес өкілдерімен кездесулер, халықаралық күн тәртібі бойынша әңгімелер. Бұл қауіпсіздік және қомақты шешімдер туралы әңгіме. Бірақ бұл сапар қазақстандықтармен жүздесуден басталған.

Жарық, Вашингтонның кешкі көрінісі, көк ту, балаға деген көңіл - осыдан жұмыс сапарының жалпы бейнесі құралады.
]]> «Самұрық-Қазына» табысынан көп инвестиция салуда https://astanaplus.kz/tpost/xnlon5rox1-samri-azina-tabisinan-kp-investitsiya-sa https://astanaplus.kz/tpost/xnlon5rox1-samri-azina-tabisinan-kp-investitsiya-sa?amp=true Mon, 23 Feb 2026 16:29:00 +0300 мемлекеттік активтер 2026 жылы «Самұрық-Қазына» ұлттық әл-ауқат қоры 5,3 трлн теңге көлемінде инвестиция салуды жоспарлап отыр. Жоспарлар Премьер-министр Олжас Бектеновтің төрағалығымен өткен директорлар кеңесінің отырысында жарияланды.

«Самұрық-Қазына» табысынан көп инвестиция салуда

2026 жылы «Самұрық-Қазына» ұлттық әл-ауқат қоры 5,3 трлн теңге көлемінде инвестиция салуды жоспарлап отыр. Қор бұл қаражат ел экономикасындағы ЖІӨ өсімін қолдайды деп күтеді. Жоспарлар Премьер-министр Олжас Бектеновтің төрағалығымен өткен директорлар кеңесінің отырысында жарияланды. Осылайша, квазимемлекеттік сектор экономикадағы инвестициялық өсімнің негізгі көзіне айналып отыр.
Өсімі айқын:
2024 жылы Қор шамамен 2 трлн теңге инвестициялады,
2025 жылы – 2,7 трлн теңге,
ал 2026 жылы – 5,3 трлн теңге.
Екі жыл ішінде капиталдық салымдар көлемі іс жүзінде екі есеге ұлғаймақ. Көрсеткіштер үміттендіреді. Алайда арифметика күрделірек.
2025 жылы Қордың таза пайдасы 2,1 трлн теңгені, кірісі 19,1 трлн теңгені құрады.
Ал 2026 жылы инвестиция көлемі – 5,3 трлн теңге.
Қарапайым тілмен айтқанда, жұмсалатын қаражат табыстан екі еседен астам көп.
Ресми түрде бұл қаражат жалпы құны 52 трлн теңге болатын, 120 жобадан тұратын инвестициялық портфель шеңберінде бағытталады. Басымдықтар қатарында Алматы қаласындағы ЖЭО-2 және ЖЭО-3-ті жаңғырту және дамыту, Түркістандағы бу-газ қондырғысын іске қосу, Каспий теңізінің түбіндегі Транскаспий талшықты-оптикалық желісін салу, сондай-ақ теміржол және контейнерлік инфрақұрылымды кеңейту бар. Барлық жобалар базалық инфрақұрылымға жатады және ұзақ мерзімді өтелімділікке ие.
«Базалық инфрақұрылымды салу жөніндегі жобалар ерекше бақылауды талап етеді. Барлық нысандар белгіленген мерзімде тапсырылуы тиіс», – деді Олжас Бектенов, ірі жобаларды күнделікті тікелей бақылауда ұстауды тапсырды.
Мемлекеттік басқару тәжірибесінде мұндай формулировка әдетте тек экономикалық емес, саяси маңызы бар жобаларға қатысты қолданылады.

Сонымен қатар операциялық динамика қалыпты деңгейде қалып отыр: мұнай өндіру 3%-ға, жүк айналымы 5%-ға, газ тасымалдау 9%-ға өскен. Негізгі көрсеткіштер бойынша күрт серпін байқалмайды. Демек, жоспарланған инвестициялық қарқын – қалыптасқан өсімнің көрінісі емес, өсімді жасанды түрде қалыптастыру талпынысы.
Бағдарлама шикізат нарықтарындағы құбылмалылық пен өңірдегі транзиттік ағындар үшін бәсекенің күшеюі жағдайында іске асырылуда. Мұндай жағдайда мемлекет инфрақұрылымдық циклді ішкі негізгі драйвер ретінде таңдауда.
Өсім – мемлекеттік тапсырыс арқылы

Сонымен қатар Қор ел ішіндегі ең ірі тапсырыс беруші ретіндегі рөлін күшейтуде. 2025 жылы Қор компаниялары отандық өндірушілермен шамамен 9 мың шарт жасасып, олардың жалпы сомасы 2,2 трлн теңгені құрады. Бұл өткен жылмен салыстырғанда екі есеге жуық көп. Осылайша, «Самұрық-Қазына» ішкі сұранысты қалыптастыратын негізгі институт мәртебесін бекітіп отыр.

Негізгі сұрақ – қаржыландыру құрылымы.
Таза пайда 2,1 трлн теңге, ал инвестиция 5,3 трлн теңге болған жағдайда балансқа түсетін жүктеме сөзсіз артады – не қарыз қаражаты есебінен, не топ ішіндегі ресурстарды қайта бөлу арқылы. Бұл теңгерімнің қалай қалыптасатыны борыштық тұрақтылыққа және түптеп келгенде компаниялардың тарифтік саясатына тікелей әсер етеді.
Қазіргі конфигурацияда «Самұрық-Қазына» экономикадағы инвестициялық өсімнің басты көзіне айналып отыр. Бірақ бұл – қоса жүретін борыштық жүктеме мен орындау тәуекелдерімен бірге келетін модель.
]]> Синтетика, «есірткі жасырып кетушілер» және дәрігерлердің қауіпсіздігі: Астана прокуратурасы ескерту жасады https://astanaplus.kz/tpost/jay3ce8ly1-sintetika-esrtk-zhasirip-ketushler-zhne https://astanaplus.kz/tpost/jay3ce8ly1-sintetika-esrtk-zhasirip-ketushler-zhne?amp=true Mon, 30 Mar 2026 12:34:00 +0300 заң мен тәртіп Астанада «Заң мен тәртіп» идеологемасы аясында прокуратура, полиция және әкімдік жедел жәрдем станциясының қызметкерлерімен кездесу өткізді — есірткі қылмысы мен медицина қызметкерлерінің еңбек жағдайы талқыланды.

Синтетика, «есірткі жасырып кетушілер» және дәрігерлердің қауіпсіздігі: Астана прокуратурасы ескерту жасады

«Заң мен тәртіп» қағидатыр жүзеге асыру аясында Астана қалалық прокуратурасы полиция департаментімен және қала әкімдігімен бірлесіп қалалық Жедел медициналық көмек станциясында нашақорлықты алдын алу, жүргізушілер мен медициналық қызметкерлер үшін еңбек заңнамасын түсіндіру бойынша ақпараттық-түсіндіру жүргізді, деп хабарлайды елорда әкімдігінің ресми сайты.
Кеңес барысында кейбір ахуалдық жағдайлар талқыланып, тақырыптық бейнероликтер көрсетілді.

Жыл басынан бері Астанада заңсыз есірткі айналымына қатысты шамамен 200 қылмыстық іс тіркелген, сонымен қатар есірткіні сатумен айналысқан адамдарға қатысты 100-ден астам іс қозғалған. Заңсыз айналымнан шамамен 100 килограмм есірткі тәркіленген.
Астана қалалық полиция департаментінің нашақорлыққа қарсы бөлімінің басшысы Әлия Қибатқызының айтуынша, заңсыз әрекеттерге көбінесе жастар тартылады.

«Арнайы қауіптілігі – синтетикалық есірткілерде, олар физикалық тәуелділікті бірден тудырады. Мұндай заттардың таралуы көбінесе жасырын жарнама және интернет-ресурстар арқылы жүзеге асады», – деді ол.

Мамандардың мәліметінше, ұсталған адамдар көбінесе есірткі тарататынын өзі де білмейді. Сондай-ақ, «курьерлердің» қызметі әдетте екі айдан аспайды.
Нарколог Тоқтар Төлеуханұлының айтуынша, синтетикалық есірткілерге тәуелділік бір рет қолданғаннан кейін де қалыптасуы мүмкін.

Заңсыз заттарды тарату үшін қылмыскерлер әртүрлі әдістерді қолданады: граффити жазулар салу, QR-кодтары бар билбордтар орналастыру, жарнамалық парақшаларды тарату, штамптарды пайдалану, сондай-ақ интернет-сайттар құру. Биылдан бастап есірткіні жарнамалайтын 400-ден астам интернет-ресурс анықталған.
Полиция есірткі қылмысы ауыр және аса ауыр категорияға жататынын еске салды.

Мұндай қылмыс үшін қылмыстық жауапкершілік 14 жасқа толған кезден басталады.

Қазақстан Республикасы Қылмыстық кодексінің 297-бабына сәйкес, есірткі, психотроптық заттар мен олардың аналогтарын заңсыз сатып алу, сақтау, сату мақсатында тасымалдау, пошта арқылы жіберу немесе сату 5-8 жылға дейін бас бостандығынан айырумен және мүлікті тәркілеумен жазаланады.
Егер сізге психоактивті заттарды сақтау немесе тарату фактілері, сондай-ақ осы құқық бұзушылықтарға қатысы бар адамдар туралы ақпарат белгілі болса, оны Астана қаласы Полиция департаментінің нашақорлыққа қарсы басқармасының анонимді сенім телефондарына хабарлай аласыз.

Қоңыраулар тәулік бойы қабылданады: 71-63-93 және 102.
Сонымен қатар, медициналық қызметкерлер күнделікті кәсіби міндеттерін қауіптілігі жоғары жағдайда орындайтынын атап өту маңызды. Оларға алкоголь немесе есірткі қолданған пациенттерге шығу, сондай-ақ басқа да әлеуетті қауіпті жағдайлар кіреді.

Кездесу барысында қалалық прокуратура мен қоғамдық денсаулық сақтау басқармасы медициналық қызметкерлердің қауіпсіздігін арттыру мақсатында жедел медициналық көмек қызметінде қазіргі заманғы бақылау және қорғау шаралары енгізіліп жатқанын хабарлады. Мысалы, барлық бригадада аудиомониторинг енгізілген, бұл даулы жағдайларды азайтуға, қарым-қатынас тәртібін жақсартуға, дәлелдемелік базаны нығайтуға және медициналық қызметкерлердің құқықтық қорғалуын қамтамасыз етуге мүмкіндік береді.

Еске салсақ, Қазақстан Республикасы Қылмыстық кодексіне жаңа 380-3-бап енгізілді, ол медициналық қызметкерлерге және жедел жәрдем жүргізушілеріне олардың қызметтік міндеттерін орындау кезінде жасалған қорқыту мен зорлық-зомбылық үшін жауапкершілікті белгілейді.
]]> «Astana Eurasian Book Fair – 2026»: елордада халықаралық кітап көрмесі өтіп жатыр https://astanaplus.kz/tpost/ooffesa7z1-astana-eurasian-book-fair-2026-elordada https://astanaplus.kz/tpost/ooffesa7z1-astana-eurasian-book-fair-2026-elordada?amp=true Wed, 22 Apr 2026 13:32:00 +0300 қала тынысы Елордада ҚР Президентінің орталығында «Astana Eurasian Book Fair – 2026» IX Халықаралық кітап көрме-жәрмеңкесінің салтанатты ашылу рәсімі өтті, деп хабарлайды қала әкімдігінің ресми сайты.

«Astana Eurasian Book Fair – 2026»: елордада халықаралық кітап көрмесі өтіп жатыр

Елордада ҚР Президентінің орталығында «Astana Eurasian Book Fair – 2026» IX Халықаралық кітап көрме-жәрмеңкесінің салтанатты ашылу рәсімі өтті, деп хабарлайды қала әкімдігінің ресми сайты.

Орталық Азиядағы ең ауқымды мәдени-ағартушылық шараға мемлекет және қоғам қайраткерлері, танымал қаламгерлер мен шетелдік елшілер қатысып жатыр.

«Astana Eurasian Book Fair – 2026» кітап көрме-жәрмеңкесін Мәдениет және ақпарат министрлігі, Астана қаласының әкімдігі және «Qazaq Creative» Креативті индустрияларды дамыту қорының қолдауымен «Фолиант» баспасы ұйымдастырып отыр.
«Astana Eurasian Book Fair – 2026» көрмесіне 80-нен астам кітап шығару, танымдық-ғылыми білім беру және полиграфиялық компаниялар қатысады. Оның тең жартысы – қазақстандық ұйымдар. Сондай-ақ Қазақстан, Ресей, Түркия, Қырғызстан, Өзбекстан, Әзербайжан, Моңғолия, Испания, Қытай, Иран, Беларусь, Португалия, Венесуэла, Ұлыбритания елдерінен көптеген ұйым қатысқалы отыр.
«Astana Eurasian Book Fair – 2026» кітап көрме-жәрмеңкесі бес күндік мәдени-іскерлік бағдарламадан тұрады. Көрме аясында жаңа кітаптардың тұсаукесерлері, автормен кездесу, автограф-сессиялар, балалар алаңында арнайы шеберлік сағаттары өткізіледі.
Атап айтқанда, Түркия Мәдениет және туризм министрлігінің қолдауымен жарық көрген «Түрік асханасы» кітабының, Бекарыс Шойбековтің «Айтыстың алтын айдар Бекарысы» айтыстар жинағының, Маржан Ершудің «Жалғыз қол» поэмасының, «Замандастар» сериясымен шыққан «Елдос Сметов. Төзім. Сенім. Жеңіс» кітабының, Ерлан Қожабаевтың «Қазақ оюлары» фотоальбомының, Анжей Сапковскийдің «Мыстангер» фантастикалық шығармасының, Ұларбек Дәлейдің «Бату хан» тарихи романының, Әлішер Рахаттың «Иесіз көлеңке», испан жазушысы Хавьер Мороның «Үміт сапары», Эрнест Хемингуэйдің «Қоңырау кімді жоқтайды», Әзербайжан ақыны Рәсмия Сабирдің «Өлең-әйел», Байыт Қабанұлының «Моңғол-өлең» кітабының, Нұрсұлтан Мықтыбайдың «Ақ Жайықтың көз жасы», сондай-ақ «Түркістан – мәңгілік әрі әрдайым жаңа» және «Димаш Құдайберген. Шексіз музыка» атты кітап-альбомдарының таныстырылымы өтеді деп жоспарланып отыр.
Сондай-ақ Ұлттық кітап күні мерекесіне орай 23 сәуірде Қазақстан Республикасының Мәдениет және ақпарат министрлігі ұйымдастырған республикалық «Ұлттық кітап» байқауының нәтижесі бойынша жеңімпаз баспаларды марапаттау рәсіміне арналған салтанатты шара өтеді.

Айта кетейік, 22-26 сәуір аралығында Астана қаласындағы Қазақстан Республикасы Президентінің орталығында «Astana Eurasian Book Fair – 2026» IX Халықаралық кітап көрме-жәрмеңкесі өтеді.
]]> Астана «ақылды» қалаға айналуда https://astanaplus.kz/tpost/axk5c39nb1-astana-aildi-alaa-ainaluda https://astanaplus.kz/tpost/axk5c39nb1-astana-aildi-alaa-ainaluda?amp=true Thu, 23 Apr 2026 22:36:00 +0300 президент Президент Қасым-Жомарт Тоқаев Alem.ai халықаралық жасанды интеллект орталығына барып, елорданы цифрлық басқарудың жаңа мүмкіндіктерімен танысты. Мемлекет басшысына қала өміріне енгізіліп жатқан инновациялар көрсетілді.

Астана «ақылды» қалаға айналуда

Президент Қасым-Жомарт Тоқаев Alem.ai халықаралық жасанды интеллект орталығына барып, елорданы цифрлық басқарудың жаңа мүмкіндіктерімен танысты. Сапар барысында жасанды интеллект (ЖИ) саласындағы нақты нәтижелер мен қала өміріне енгізіліп жатқан инновациялар көрсетілді.
Жобаның техникалық мүмкіндіктері мен артықшылықтарын Presight.AI компаниясының бас директоры Томас Прамотедхам таныстырды. Ол Мемлекет басшысына қала жүйелері мен деректерін нақты уақыт режимінде бір арнаға тоғыстыратын бірыңғай AI-платформаның жұмысын көрсетті.
Сапардың басты жаңалығы — Astana Smart City жобасының таныстырылымы. Бұл – интеллектуалды қала инфрақұрылымының жаңа буынын қалыптастыратын маңызды бастама. Платформа қаланың барлық жүйелерінен (көлік, қауіпсіздік, коммуналдық қызмет) деректерді жинап, оны жасанды интеллект арқылы талдайды. Бұл шаһарды басқару тиімділігін арттырып, кез келген мәселені нақты деректерге сүйене отырып шешуге жол ашады.
Alem.ai орталығы Президенттің Қазақстанды технологиялық әрі бәсекеге қабілетті елге айналдыру стратегиясын іске асыру үшін құрылған. Оның жұмысы мынадай бағыттарды қамтиды:
Ғылым мен білім: ЖИ саласындағы зерттеулер жүргізу және мамандарды оқыту.

Стартаптарды қолдау: Жаңа ІТ-бастамалардың енгізілуіне жағдай жасау.

Тәжірибелік қолданыс: ЖИ технологиясын мемлекеттік секторда, бизнесте және адамдардың күнделікті өмірінде тиімді пайдалану.
Іске асырылып жатқан жобалар ЖИ технологиясын жай ғана теория емес, нақты өмірде қолданылатын құралға айналдырады. Президенттің Alem.ai орталығына келуі — мемлекеттің цифрлық технологияларды қала өмірінің ажырамас бөлігіне айналдыруға ниетті екенін растады.
]]> Елорда сенбілігіне 120 мың адам атсалысты https://astanaplus.kz/tpost/fb8vxaxxy1-elorda-senblgne-120-mi-adam-atsalisti https://astanaplus.kz/tpost/fb8vxaxxy1-elorda-senblgne-120-mi-adam-atsalisti?amp=true Sat, 25 Apr 2026 15:00:00 +0300 қала тынысы Астанада «Таза Қазақстан» республикалық экологиялық акциясы аясында өткен ауқымды сенбілік елордалықтардың ерекше белсенділігімен есте қалды. 120 мыңға жуық тұрғын көшелер мен аулаларды абаттандыруға бір кісідей жұмылды

Елорда сенбілігіне 120 мың адам атсалысты

Астанада «Таза Қазақстан» республикалық экологиялық акциясы аясында өткен ауқымды сенбілік елордалықтардың ерекше белсенділігімен есте қалды. Туған қаланың тазалығы мен көркейіне бейжай қарамайтын 120 мыңға жуық тұрғын көшелер мен аулаларды абаттандыруға бір кісідей жұмылды. Бұл көрсеткіш елорда жұртшылығының экологиялық мәдениеті мен қалаға деген жанашырлығының айқын дәлелі болды.
Тұрғындардың, еріктілер мен коммуналдық қызмет өкілдерінің ортақ күшімен бір күннің ішінде орасан зор жұмыс атқарылды. Атап айтқанда, қала аумағынан 150 тоннадан астам қоқыс шығарылып, скверлер мен саябақтарда 10 мыңнан астам жас көшет отырғызылды. Жұмыла көтерілген жүк жеңіл дегендей, мыңдаған қалалықтардың еңбегінің арқасында Астананың келбеті ашылып, жасыл аймақтардың қатары сирей түсті.

Ұйымдастырушылардың айтуынша, бұл шара тек тазалық жұмыстарымен шектелмейді. 120 мың адамның бір мезетте көшеге шығып, қала игілігі үшін еңбек етуі — қоғамда жауапкершілік сезімін оятып, жас ұрпаққа үлгі боларлық игі дәстүрді қалыптастыруды көздейді. «Таза Қазақстан» акциясы аясындағы мұндай жұмыстар елордада алдағы уақытта да тұрақты түрде жалғаса бермек.
]]> Экологиялық ынтымақтастық: Қасым-Жомарт Тоқаев Астанада аймақтық саммитті ашты https://astanaplus.kz/tpost/3junk94xd1-ekologiyali-intimatasti-asim-zhomart-toa https://astanaplus.kz/tpost/3junk94xd1-ekologiyali-intimatasti-asim-zhomart-toa?amp=true Wed, 22 Apr 2026 15:00:00 +0300 президент Астанада Қасым-Жомарт Тоқаевтың қатысуымен тұңғыш Аймақтық экологиялық саммит (RES-2026) өз жұмысын бастады. Форум Орталық Азия мен Кавказ елдерінің лидерлерін климаттық сын-қатерлерге қарсы ортақ стратегия әзірлеу үшін бір арнаға тоғыстырды.

Экологиялық ынтымақтастық: Қасым-Жомарт Тоқаев Астанада аймақтық саммитті ашты

Елордадағы EXPO алаңында Мемлекет басшысы Қасым-Жомарт Тоқаевтың қатысуымен тұңғыш Аймақтық экологиялық саммит (RES-2026) өз жұмысын бастады. Президенттің БҰҰ Бас Ассамблеясында ұсынған бастамасы аясында ұйымдастырылған бұл форум Орталық Азия мен Кавказ елдерінің лидерлерін климаттық сын-қатерлерге қарсы ортақ стратегия әзірлеу үшін бір арнаға тоғыстырды.
Жиынның ашылуында сөйлеген сөзінде Президент Қазақстан үшін экологиялық күн тәртібі тек климат мәселесі емес, бұл — аймақтық қауіпсіздік пен тұрақтылықтың іргетасы екенін қадап айтты. Мемлекет басшысы серіктес елдерді құрғақ декларациялардан нақты мемлекетаралық міндеттемелерге көшуге шақырып, табиғи ресурстарды басқаруда «ынтымақтастық эко-логикасын» енгізуді ұсынды.
Мемлекет басшысы: «Табиғат геосаясатсыз тіршілік ете береді, ал геосаясаттың табиғатсыз күні қараң .Елдеріміз тұтас экожүйеде өмір сүреді. Өзен-көлдер де, табиғи ландшафттар да, климаттың қауіп-қатерлері де баршамызға ортақ. Ең бастысы, жауапкершілікті теңдей бөлісеміз.
Саммит аясында Қасым-Жомарт Тоқаев аймақтық өзара іс-қимылды нығайту үшін бірқатар нақты құралдарды ұсынды. Олардың қатарында ортақ инфрақұрылымдық мәселелерді шешуге арналған Аймақтық экологиялық инвестициялық қор құру бастамасы бар. Сонымен қатар, Каспий теңізін сақтау, жерлердің тозуына қарсы күрес және жастарға арналған «Жасыл мектеп» білім беру платформасын іске қосу мәселелеріне ерекше назар аударылды.

Форум қорытындысы бойынша қатысушы елдер «Астана декларациясын» қабылдайды деп күтілуде. Бұл құжат су ресурстарын сақтау мен аймақтың 2030 жылға дейінгі тұрақты дамуының негізгі бағдары болмақ. Мемлекет басшысы Орталық Азия елдері тек күш біріктіру арқылы ғана жаһандық экологиялық қатерлерге тиімді төтеп бере алатынына сенім білдірді.
]]> Астанада блогерлер Ерболат Жанабылов пен Эльмира Төлегеноваға қатысты үкім шықты https://astanaplus.kz/tpost/jy707tpif1-astanada-blogerler-erbolat-zhanabilov-pe https://astanaplus.kz/tpost/jy707tpif1-astanada-blogerler-erbolat-zhanabilov-pe?amp=true Mon, 27 Apr 2026 17:25:00 +0300 заң мен тәртіп Астанада танымал блогерлер Ерболат Жанабылов пен оның жұбайы Эльмира Төлегеноваға қатысты сот процесі аяқталды. Олар заңсыз кәсіпкерлікпен айналысты және қылмыстық жолмен алынған қаражатты заңдастырды деп айыпталды.

Астанада блогерлер Ерболат Жанабылов пен Эльмира Төлегеноваға қатысты үкім шықты

Астана соты танымал блогерлер Ерболат Жанабылов пен Эльмира Төлегеноваға қатысты заңсыз бизнес және ақшаны заңдастыру ісі бойынша үкім шығарды. Алайда сот шешімінің ресми фасадының артында нағыз драма жасырынған: отағасы бостандығын шектеу жазасын алса, оның жұбайы нақты түрме жазасына кесілу қаупіне тап болды.

Сот ерлі-зайыптыларды Қылмыстық кодекстің екі бабы бойынша кінәлі деп таныды: 214-бап («Заңсыз кәсіпкерлік») 218-бап («Қылмыстық жолмен алынған кірістерді заңдастыру»).

Ерболат Жанабылов екі жылға бостандығын шектеу жазасына кесілді — ол пробациялық бақылауда болады. Эльмира Төлегенова үшін үкім қатаңдау болды: қауіпсіздігі барынша төмен колонияда екі жылға нақты бас бостандығынан айыру. Алайда заң әйелге үйде қалуға мүмкіндік берді — оның үш жас баласы өскенше жазаның орындалуы екі жылға кейінге қалдырылды.
Жанабылов пен Төлегеноваға берілген жазаның айырмашылығы тек рөлдерге ғана емес, бизнестің қалай құрылғанына да байланысты. Ерболат 10 автокөлік ұтыс ойынының медиа тұлғасы болған кезде, бүкіл «бэк-офис» «Zhana Business» ЖШС-де шоғырланды. Компанияның директоры — Эльмира.

Дәл осы бірінші басшы мәртебесі, шамасы, сот үшін шешуші болған. Іс материалдарына сәйкес, қатысушылар «оқыту курстары» үшін 30 000 тенгеден дәл осы Төлегенова басқаратын ЖШС шоттарына төлеген. Заң алдында заңсыз кәсіпкерлік пен 247,6 млн теңге айналымы үшін жауапкершілік, ең алдымен, компанияны ресми басқаратын адамға жүктеледі.
— Мемлекет меншігіне мүлікті тәркілеу — iPhone 16 маркалы ұялы телефондар, жады 528 гигабайт, саны 17 дана, Hyundai Elantra маркалы автокөлік құралдары, саны сегіз бірлік, — деп хабарлады судья.
Айта кетерлігі, жұптың жеке «ауыр люксі» — Lamborghini Urus және Lexus RX 600 жол талғамайтын көліктерін — сот үкім заңды күшіне енгеннен кейін иелеріне қайтару туралы шешім қабылдады.

Қылмыстық іске апаратын жол жоспарлы тексеруден емес, азаматтық бастамадан басталды: кезекті 10 автокөлік ұтысы жарияланғаннан кейін Ойын бизнесін және лотереяларды реттеу комитетіне Жанабыловтың қызметін тексеру туралы өтініш түскен.

Кейінгі тергеу процестің циникалық механикасын ашты. Көп миллиондық ақша жинауды заңдастыру үшін блогерлер 30 мың теңгеден «білім беру курстарын» сатқан. Алайда ведомствоның бақылау-сатып алуы курстардың жай ғана фикция болғанын көрсетті. Қомақты сомаға оқырмандарға ешқандай практикалық құндылығы жоқ пайдасыз «ақпараттық шу» ұсынылған. Негізінде, білім беру өнімі заңсыз лотерея өткізу үшін бүркеме ретінде ғана қызмет еткен, мұнда қатысушылардың мүмкіндігі ұйымдастырушылардың табысымен мүлдем салыстыруға келмейді, ал автокөліктердің өзі — бұл ойындағы жай ғана қармақ болған.

Бұл кейс «цифрлық элита» деп аталатындар үшін соңғы ескерту болды. Жаңа Қазақстанда танымалдылық енді иммунитет бермейді, ал күмәнді қаржылық схемаларды жақындарының артына жасыру әрекеті кадрдағы «әдемі өмір» үшін нақты бостандықпен төлеуге әкеп соғады. Әлеуметтік желілер арқылы қаражат тарту жұмысы құқық қорғау органдарының қатаң қадағалауына біржола өтті.
]]> «Жүйе толықтай дайын»: Жеңіс Қасымбек Астана LRT-інің іске қосылу барысын жеке тексерді https://astanaplus.kz/tpost/c5s5c9vu31-zhie-tolitai-daiin-zhes-asimbek-astana-l https://astanaplus.kz/tpost/c5s5c9vu31-zhie-tolitai-daiin-zhes-asimbek-astana-l?amp=true Mon, 27 Apr 2026 20:09:00 +0300 қала тынысы

«Жүйе толықтай дайын»: Жеңіс Қасымбек Астана LRT-інің іске қосылу барысын жеке тексерді

Астана әкімі өзінің Facebook парақшасында елдегі ең көп талқыланған ұзақ құрылыстың шешуші кезеңі аяқталғанын хабарлады.
Тестілік пайдалану барысымен жеке танысқаннан кейін Жеңіс Қасымбек: «Сынақ жұмыстары аяқталды, LRT жүйесі жолаушыларды қабылдауға дайын», — деп мәлімдеді.
Біз қала басшысының жазбасын талдап, жаздың соңына дейін нақты не нәрселердің құрылысы аяқталатынын білдік.
Жеңіс Қасымбектің басты жолдауы — жоба «құрылыс» сатысынан өтіп, нақты «көлікке» айналды. Әкім пилотсыз жүйенің параметрлерін және станциялардың дайындығын жеке тексерді. Оның айтуынша, нысанның функционалдық дайындығына қол жеткізілді, сондықтан LRT-ні іске қосу — жақын уақыттың еншісінде.
Жүйенің іске қосылуы күннің жылынуымен тұспа-тұс келгендіктен, әкім өз жазбасында эстакада астындағы аумақты абаттандырудың нақты жоспарын көрсетті. Ол мына мәселелерге баса назар аударуды тапырды:
  1. Жолдарды интеграциялау: Станциялар «айдалада» тұрмайды. Қазіргі уақытта LRT қалалық автобустар мен таксилердің ортақ желісіне қосылуы үшін кіреберіс жолдар салынып жатыр.
  2. Қалдаяқов көшесі арқылы өту: Жазбадағы басты жаңалықтардың бірі — биыл Ш. Қалдаяқов көшесімен «Нұрлы жол» вокзалына дейін қозғалысты ашу туралы уәде. Бұл — 4,6 шақырымдық жаңа жол.
  3. «Жасыл дәліз»: Эстакадалардың астындағы бетон мен шаңның орнына саябақ пайда болады. Әкім ағаштарды жаппай отырғызу және суару құбырларын орнату туралы хабарлады.
  4. Қауіпсіздік пен жарық: Бағыт бойында заманауи жарықтандыру жүйелері мен қала тұрғындарына арналған демалыс аймақтары орнатылады.
Әкімнің жаңалықтарды «бірінші ауыздан» жеткізуі жоба төңірегіндегі көпжылдық белгісіздікке нүкте қойды. Жазбаға сәйкес, жақын арада жоспарланған іске қосу сәтіне дейін станцияларға кедергісіз кіру мүмкіндігі қамтамасыз етіледі. Ал өсімдіктерді отырғызудың барлық нормаларын сақтау үшін «ландшафт дизайны» жаз бойы жетілдірілетін болады.
Әкімнің тікелей жазбасы — бұл инвесторлар мен тұрғындар үшін жобаның жүзеге асқаны туралы белгі. Енді назар «пойыздар қашан жүреді?» деген сұрақтан «вокзал мен әуежайға қаншалықты тез жете аламыз?» деген сауалға ауды. Абаттандырудың егжей-тегжейлі жоспарына қарағанда, Сол жағалауды тек көліктік қана емес, экологиялық жаңғыру да күтіп тұр.
]]> Астаналық 3000 мектеп оқушысы Бірлік күніне орай «Ақ көгершін» әнін шырқады https://astanaplus.kz/tpost/omzkcmd791-astanali-3000-mektep-oushisi-brlk-knne-o https://astanaplus.kz/tpost/omzkcmd791-astanali-3000-mektep-oushisi-brlk-knne-o?amp=true Thu, 30 Apr 2026 13:10:00 +0300 қала тынысы Астанада Қазақстан халқының бірлігі күніне орай ұйымдастырылған Flash Vibe «Бейбіт елдің ұрпақтары» атты ауқымды флешмоб өтті. Акцияға мектеп оқушылары мен қосымша білім беру ұйымдарының тәрбиеленушілері қатысты.

Астаналық 3000 мектеп оқушысы Бірлік күніне орай «Ақ көгершін» әнін шырқады

Астанада Қазақстан халқының бірлігі күніне орай ұйымдастырылған Flash Vibe «Бейбіт елдің ұрпақтары» атты ауқымды флешмоб өтті.

Акцияға мектеп оқушылары мен қосымша білім беру ұйымдарының тәрбиеленушілері қатысты, деп хабарлайды қала әкімдігінің ресми сайты.
Музыкалық негіз ретінде «Ақ көгершін» композициясы таңдалды. Ол – бейбітшілік, келісім мен бірліктің символы. Іс-шараның мәнін арттырған тағы бір жайт бұл күн көрнекті композитор, елдегі кәсіби музыкалық өнердің негізін қалаушылардың бірі Ахмет Жұбановтың мерейтойымен тұспа-тұс келуі.
Флешмоб барысында қатысушылар «ақ көгершін» бейнесінде сап түзеді. Бұл образ бейбітшілік пен үмітті білдіретін акцияның басты символына айналды.

Ақ және көк түсті киім киген балалар мен жасөспірімдер біртұтас көрініс қалыптастырды. Ақ түс тазалық пен үйлесімге ұмтылысты білдірсе, көк түс бейбіт аспан мен халық бірлігін білдіреді.
Ұйымдастырушылардың айтуынша, флешмоб әртүрлі этнос өкілдері арасындағы достықты, өзара түсіністік пен құрметті нығайтуға бағытталған.
]]>