Қарағанды облысында әлеуметтік маңызы бар азық-түлік тауарларының бағасына бақылау күшейтілді. Жыл басынан бері 15 кәсіпкер әкімшілік жауапкершілікке тартылды. Олардың қатарында көтерме жеткізушілер, супермаркеттер және шағын дүкендер бар.

Мұндай тауарларға рұқсат етілген ең жоғары сауда үстемесі - 15%.

Алайда іс жүзінде көрсеткіштер әлдеқайда жоғары болған.

Кәсіпкерлердің бірі алманы килограмын 300 теңгеден сатып алып, 710 теңгеден сатқан. Үстемеақы -136%.

Қарақұмық 294 теңгеге сатып алынып, 370 теңгеге сатылған — бұл 26%.

Қырыққабат 100 теңгеден алынып, 135 теңгеден өткізілген — 35%.

Салынған айыппұлдардың жалпы сомасы 934 мың теңгені құрады.

Бағаларға өңірлік сауда және тұтынушылардың құқықтарын қорғау департаменті бақылау жүргізеді. Ведомствоның мәліметінше, бірқатар позициялар бойынша баға төмендей бастаған: күріш — бұрынғы деңгейдің 93,1%-ына дейін, тауық еті — 92%-ға, тұз — 92,2%-ға дейін.

Не болып жатыр?

2026 жылы әлеуметтік маңызы бар тауарлардың тізімі кеңейтілді. Бұл - үстемеақы шектеуіне түсетін өнімдер саны артты деген сөз.

Теория жүзінде механизм қарапайым: мемлекет сауда үстемесін шектейді - баға тұрақтанады.

Ал іс жүзінде сауда желілері мен жеткізушілер маржаны арттырудың түрлі жолдарын іздеуді жалғастырып келеді.

Бақылау жалғасуда. Тұрғындарға бағаның негізсіз өсуі туралы E-Otinish платформасы арқылы хабарлау ұсынылады.

Жобаға Ақсу, Екібастұз, Қарағанды, Өскемен, Топар, Шахтинск, Балқаш, Жезқазған, Теміртау және Степногорск қалалары мен елді мекендеріндегі ЖЭО мен ГРЭС нысандары енген.

Ең ірі жобалар Павлодар облысында жүзеге асады. Ақсуда ГРЭС-тің №7 энергоблогы жаңғыртылса, Екібастұзда ГРЭС-2-де жаңа энергоблоктар салынады. Сонымен қатар Қарағанды өңіріндегі бірнеше станция, Өскемендегі екі бірдей жылу электр орталығы, сондай-ақ Теміртау, Балқаш, Жезқазған және Степногорскідегі нысандар қамтылған.

Жобаның мақсаты — ескі станциялардың тозуын азайтып, энергия жүйесінің тұрақтылығын күшейту.

Сонымен қатар бұған дейін реконструкциядан өткен, жалпы ұзындығы 1184 шақырымды құрайтын 270 канал да автоматтандырылып жатыр. Бұдан бөлек, автоматтандыру элементтері мен заманауи су есептеу жүйелерін енгізуді қамтитын 264 ирригациялық каналды реконструкциялау жобасы бойынша жобалық-сметалық құжаттама әзірленуде.

Су ресурстары және ирригация министрлігінің мәліметінше, қазір ведомство су ресурстарын басқарудың кешенді әрі көпдеңгейлі цифрлық жүйесін қалыптастырып жатыр. Бұл тәсіл су саласын тек техникалық жағынан жаңғыртуға емес, сонымен бірге суды дәл есептеуге, оның қозғалысын бақылауға және тиімді бөлуге мүмкіндік береді.

Бүгінде министрлік әзірлеген Су ресурстарының ұлттық ақпараттық жүйесі 22 мың су нысанын қамтып отыр. Оның ішінде 17 мыңнан астам өзен, 4 мыңға жуық көл және гидротехникалық нысандардың 60 пайызы бар. Жыл соңына дейін 6 мыңнан астам каналды цифрландыру және гидротехникалық нысандарды қамту деңгейін 100 пайызға жеткізу жоспарланып отыр.

Сонымен қатар елдің бірыңғай су балансы қалыптастырылады. Бұл су шаруашылығы учаскелері бөлінісінде нақты су ағынын, су қоймаларындағы жинақ көлемін және су тұтыну деңгейін салыстыруға мүмкіндік береді. Яғни мемлекет суды тек есеп құжаттарынан емес, нақты цифрлық бақылау арқылы көргісі келеді.

Гидротехникалық құрылыстар мен су нысандарының қауіпсіздігіне де ерекше назар аударылып отыр. Сондай-ақ жүйеге ғарыштық мониторинг пен гидробекеттердің деректері интеграцияланып жатыр. Бұл су ресурстарын басқарудағы дәлдікті арттырып, тәуекелдерді ертерек анықтауға жол ашады.

Жалпы алғанда, бұл бастама Қазақстанның су шаруашылығын ескі тәсілден заманауи цифрлық басқару үлгісіне көшіруге бағытталған. Су тапшылығы барған сайын өткір мәселе болып тұрған кезеңде мұндай шешімдер ауыл шаруашылығының тұрақтылығы мен елдің су қауіпсіздігі үшін маңызды құралға айналмақ.